O Club Natación Ferrol naceu no ano 1990 para fomentar e impulsar a práctica deportiva da natación na nosa cidade. Co paso dos anos e grazas ao esforzo e traballo de numerosas persoas, o noso Club foi consolidándose na sociedade ferrolá.
Dende a súa creación, a defensa do traballo en equipo, do compromiso, da tolterancia, do esforzo, do compañerismo foron os valores que marcaron a vida e historia do CNF. E que mellor exemplo e orgullo para este Club que o noso compañeiro Javier Gómez Noya, tetracampión do mundo de tríatlón que a maiores de todos estes valores debemos sumarlle á súa gran humildade coa que segue a día de hoxe a colaborar con este Club que o veu crecer. Hoxe este gran deportista e mellor persoa dá nome á piscina na que o CNF leva a cabo a súa actividade.